عائشة بن أحمد: مش هعرف احتفل بعيد الحب

قالت الفنانة التونسية عائشة بن أحمد معرفتش احتفل بعيد ميلادي ولا هعرف احتفل بعيد الحب بسبب انشغالى في التصوير، وحاليا بصور مسلسل “ملف سري” للسباق الرمضاني  2022 مع هانى سلامة وماجد المصرى ونضال الشافعى وإدوارد، تأليف محمود حجاج، وإخراج حسن البلاسي، جاء ذلك خلال مداخلة هاتفية لبرنامج خلاص صحينا الذي يذاع علي ميجا اف ام والبرنامج من تقديم مارينا المصري .

و أضافت ان الحب بالنسبة لها مفتاح كل حاجة، و وقالت مقدرش أعيش من غير حب لأن مشاعري هى اللى طاغية وهى اللى بتحركني ، وأنا صعبة ومش سهلة في اختياراتي العاطفية، لأني دايما عايزة الامتياز في كل حاجة.

وتابع أهم حاجة في شريك حياتي لازم يكون راجل مثقف وواعي، ومش بيحكم على الناس وسابق عصره وذكي ومش كداب، والكدب أكبر عدو ليا .

وعلقت علي أغنية “الغزالة رايقة” أكتر أغنية بتعبر عن حالتي الاجتماعية والعاطفية دلوقتي، و بحب كل حاجة في مصر ولما بسافر وحد يكلمنى بالمصري بفرح، و عن الامل المصري : بحب في الأكل المصري المسقعة والكشري وشوربة العدس.