لميس الحديدي تنتقد عودة سمكري البني أدمين للعمل بعد إخلاء سبيله على ذمة القضية :
مش معقول الراجل على ذمة ” القضية ” وراجع يشتغل سوشيال ميديا
قال بعد خروجه أنه فقط يقوم بفرقعة وطقطقة ومساج وحجامة ياسلام!
أناشد نقابة أطباء العلاج الطبيعي ووزارة الصحة بمتابعة هذا الشخص
المواطن عليه دور حضرتك عاوز يجيلك شلل ؟! بتروحوا ليه ؟ إنتوا حرين

إنتقدت الاعلامية لميس الحديدي عودة يوسف خيري المسمى بسمكري البني أدمين للعمل مجدداً بعد خروجه من السجن على ذمة القضية بكفالة 50 ألف جنيه قائلة : “الحقيقة لايمكن أن يكون هناك قضية إدعى أنه طبيب علاج طبيعي وخرج بكفالة حيث إتهم بإستبدال المهنة في بطاقة الرقم القومي من خريج كلية تربية رياضية لطبيب علاج طبيعي وقام بتزوير بطاقته الخاصة بالرقم القومي وبعدين شوية ويرجع يشتغل تاني .

تابعت خلال برنامجها ” كلمة أخيرة ” المذاع على شاشة ” ON” قائلة : “رجع يشتغل مرة أخرى على السوشيال ميديا ورجع البوستات تاني وهو منتحل صفة طبيب علاج طبيعي وكان يعالج ” بطقطقة ” الفقرات ووقع من ضحاياه العديد من المشاهير .

واصلت : رجع في 14 نوفمبر مرة أخرى يبث فيديوهات وبيقول المرة دي أنا مش بعمل علاج طبيعي بعمل ” مساج ” والمساج نوع من أنواع العلاج الطبيعي “
ووجهت رسالة لنقابة العلاج الطبيعي ووزارة الصحة في قسم العلاج الحر قائلة : نتمنى منهم أن تتابع هؤلاء المنتحلين للصفات لانهم يؤدون لمصائب كبرى “
أتمت : ده راجل مش واخد براءة خارج بكفالة خمسين ألف جنيه رجع تاني يحط ” بوستات ” ويقول أنه عاد لممارسة الحجامة والطقطقة والفرقعة والمساج “
أضافت ساخرة : ياسلام ! الطرقعة والطقطقة بلاش كده .

ووجهت رسالة لمن يذهب إليه قائلة : أنتوا حرين ده راجل عليه قضية صحيح نقابة العلاج الطبيعي ووزارة الصحة عليها دور لكن بقى المواطن عليه دور إنت مامسمعتش عن القضية؟ عاوز يجيلك شلل ؟!”.